پوتین: نگرانی‌های تاجیکستان درباره وضعیت افغانستان را درک می‌کنیم
ولادیمیر پوتین، رئیس‌جمهوری روسیه، می‌گوید مسکو از نگرانی‌های تاجیکستان درباره وضعیت افغانستان زیر اداره طالبان آگاه است و این موضوع را در دیدار با امام‌علی رحمان، رئیس‌جمهوری تاجیکستان، در بیشکک بررسی کرده است.
براساس گزارش کرملین، این دیدار روز سه‌شنبه، ۱۰ سنبله، انجام شده و دو طرف درباره وضعیت افغانستان، همکاری‌های امنیتی، روابط دوجانبه و گسترش همکاری‌های اقتصادی گفت‌وگو کرده‌اند.
پوتین روابط مسکو و دوشنبه را «شراکت راهبردی و اتحاد» خوانده و از افزایش مبادلات تجاری میان دو کشور خبر داده است.
وضعیت افغانستان و نگرانی‌های امنیتی مرتبط با آن، از محورهای مهم این رایزنی‌ها عنوان شده است.
پوتین: نگرانی‌های تاجیکستان درباره وضعیت افغانستان را درک می‌کنیم
